Kitabxana

Bakı  Slavyan Universitetinin  kitabxanası

Kitabxana Bakı  Slavyan Universitetinin mühüm struktur bölmələrindən biridir. 1946-cı ildən, yəni tərkibində  olduğu ali məktəb yarandığı dövrdən, kitabxana da fəaliyyətə başlamışdır. Ali məktəbin həyatında baş verən dəyişikliklər birbaşa kitabxananın strukturuna, fəaliyyət növlərinə, xidmət səviyyəsinə təsir etmiş və etməkdədir. 13  iyun 2000-ci ildə  Azərbaycan  Respublikası  Prezidentinin fərmanı ilə Azərbaycan Pedaqoji İnstitutunun profili genişləndirilməklə, Bakı Slavyan Universiteti yaradılır. Bu mühüm dəyişiklik kitabxana fondunun tərkibinin, oxucu kontingentinin ,  xidmət növlərinin də dəyişilməsinə səbəb olur.
Əsas hissəsini rus dili  və ədəbiyyatına dair kitabların təşkil etdiyi kitabxana fondu, qısa bir vaxtda tərkib etibarilə xeyli dəyişərək zənginləşir. Beynəlxalq münasibətlərə, jurnalistikaya, təbiətşünaslığa,  Azərbaycan dili  və ədəbiyyatına,  tarixə,  Ukrayna,  Bolqar, Polşa, Çex, Yunan dilinə, ədəbiyyatına, tarixinə, incəsənətinə dair çap əsərlərini  kitabxana
artıq öz oxucularına təqdim edə bilir.
Azərbaycan Respublikasının Prezidenti cənab İlham Əliyevin “Bakı Slavyan Universitetinin” maddi-texniki bazasının  yaxşılaşdırılması  haqqında 7 mart  2008-ci  il  tarixli sərəncamı ilə Universitetə 1 milyon manat  vəsait ayrıldı. Bu vəsaitin böyük  bir hissəsi  kitabxananın yeni bir sahəyə köçürülərək, tamamilə  yenidən  qurulmasına  sərf  olundu.

Qısa bir vaxt ərzində kitabxana üçün  nəzərdə  tutulmuş 1108  kv.m. sahə, müasir, avropa standartlarına uyğun bir səviyyədə  təmir olundu. Kitabxana yeni kitab  rəfləri, yazı masaları, oturacaq və paltar  dolabları, kompüter avadanlıqları  ilə təchiz olundu.
Yeni qiraət  zalları və bölmələr yarandı. Fondlar  köhnəlmiş, yararsız hala düşmüş, cırıq kitablardan  təmizləndi.
2008-ci ilin  fevral ayının sonlarından başlayan quruculuq  işləri, iyul  ayının 15-də başa çatdırıldı. 2008-ci ilin sentyabr ayında  kitabxana öz oxucularını  müasir görkəmdə, yeni  bir dizaynda  qarşıladı.

         Strukturu

Kitabxanada  4 şöbə, 2 bölmə, 5  oxu  zalı  fəaliyyət  göstərir. 

Ümumi fond: 500 000  nüsxədir.

İşçilərin  sayı : 54  nəfər.

      Şöbələr

1.  “Komplektləşdirmə və kitabların  elmi-texniki işlənməsi”  şöbəsi  - Şöbə il  ərzində 6-8 min nüsxə yeni ədəbiyyatı  qəbul  edir, elmi-texniki  cəhətdən  işləyərək, şöbələrə təhvil verir, kitablara  kartoçkalar yazaraq, baş əlifba kataloqu və oxucu kataloqlarına yerləşdirir. Kitabxananın yeni ədəbiyyatla  komplektləşdirilməsində bu mənbələrin  rolu böyükdür:

1. Universitetin kitab alınması üçün ayırdığı vəsait
2. H.Əliyev fondu
3.  Prezident  aparatı
4.  Milli Təhlükəsizlik  Nazirliyi
5.  Xarici İşlər Nazirliyi
6.  Təhsil Nazirliyi
7.  Bakı Dövlət Universiteti
8.  AMEA.
9.  Rektorluq.

2.  “Dərsliklər və Azərbaycan ədəbiyyatı” şöbəsi -   tələbələri  hər  semestr üzrə  dərsliklərlə təmin edir. Oxucuları  Azərbaycan  dilində  bədii və elmi  ədəbiyyatla təminatını da  bu  şöbə həyata keçirir. Gün ərzində şöbə 400-500  oxucuuya xidmət edir .

3.   “Elmi-bədii ədəbiyyat” fondu -  oxucuları elmi və bədii ədəbiyyatla təmin edir. Tələbələrin, kurs, magistr işlərinin, dissertasiya və elmi  işlərin  yazılmasında  ən çox  müraciət etdikləri bu şöbə, gün ərzində  200-250  oxucuya xidmət edir.

4.   “Məlumat-biblioqrafiya” şöbəsi oxuculara məlumat-biblioqrafiya  xidməti  göstərir. Şöbədə  kitabxananın əsas məlumat bazası olan kataloq və kartoteka sistemi yerləşir. Oxuculara müxtəlif mövzulara dair  məlumatı operativ çatdırmaq  məqsədilə  müxtəlif  ensiklopediyalardan, lüğətlərdən, biblioqrafik vəsaitlərdən  də  istifadə olunur. Şöbə müntəzəm olaraq  ədəbiyyat bületenləri tərtib edərək, kafedra və laboratoriyalara, dekanlıqlara, müxtəlif oxucu qruplarına məlumat çatdırır.

Bölmələr

1. Jurnal və qəzet  fondu.  Kitabxananın  jurnal və qəzet fondu  çox zəngindir.

          Hər il yerli və  xarici mətbuat orqanlarına abunə yazılışı keçirilir. Abunə yolu ilə alınan  60 adda jurnal  və  qəzetin böyuk hissəsi Moskvada nəşr olunan qəzet və jurnallardır.
Məsələn:

1. ”Вопросы  языкознания”
2. ”Иностранная литература”
3. ”Известия   РАН”   (сер. Лит.)
4. ”Новая и новейшая история”
5. ”Юрист- международник”
6  “Общественные науки и соврем”
7. ”Знамя”
8.  “Звезда”
9.”Высшее образование сегодня”
10.” Современная Европа”
11.”Вестник МГУ”
12.”Полис”
13.”Международная  жизнь”
14.”Вестник  Евразии”
15.”Россия  и мусульманский мир”

 2. Dərsliklər fondu № 2

Bu bölmə, 2008-ci ilin aprel ayında  Universitetin 2-ci korpusunda yaradılmışdır. ”Rus  filologiyası” fakultəsinin tələbələrini  dərsliklərlə təhciz  edir. 0 min nüsxədən  ibarət fondu var.

Oxu zalları

1. Ümumi oxu zalı    Universitetin əsas binasında yerləşir. Tələbələr üçün nəzərdə tutulmuşdur. İnternetə qoşulmuş 8 kompüterlə təhciz olunmuşdur.
2. Müəllimlər üçün olan oxu zalı- müəllim-professor heyyətinə xidmət göstərir. Zal Interneti olan 3 ədəd  kompüterlə təchiz olunmuşdur.
3. Yunan ədəbiyyatı zalı – Yunanşünaslıq  ixtisasında təhsil  alan tələbələr üçün nəzərdə tutulmuşdur. Burada yalnız yunan dilində olan ədəbiyyat toplanmışdır.
4. Oxu zalı №2 Universitetin 2-ci  korpusunda fəaliyyət göstərir. Zal  Jurnalistika, Azərbaycan  filologiyası  ixtisası  üzrə  1-nüsxə  olan  kitablardan, elmi əsərlər, lüğətlər, ensiklopediyalar, jurnallardan ibarət fonda malikdir. Burada da oxucuların  istifadəsi üçün nəzərdə tutulmuş, interneti olan    kompüterlər quraşdırılmışdır.
5. Oxu zalı  №3  Bu zal  universitetin 3-saylı yataqxanasında fəaliyyət göstərir. Yataqxanada yaşayan tələbələrin asudə vaxtının düzgün və səmərəli təşkili məqsədilə 2007-ci ilin dekabr ayından  fəaliyyətə başlayan oxu zalında 1500 nüsxədən ibarət rus və azərbaycan dillərində bədii ədəbiyyat və jurnallar vardır.

Kitabxananın tədris prosesində rolunu daha da gücləndirmək məqsədilə  “Kitabxana Şurası” yaradılmışdır. Universitetin professor və müəllim heyətinin iştirakı ilə şura, fondun düzgün komplektləşdirilməsi, oxuculara xidmət işinin daha da yaxşılaşdırılması,  kitabxananın kompüterləşməsi və s. məsələləri vaxtaşırı müzakirə edərək , qərarlar qəbul edir.